Háskóli Íslands - Rannsóknir á Menntavísindasviði

Rannsóknir á Menntavísindasviði

Ítarleg leit

Leitarniðurstöður

13 rannsóknir fundust í flokknum Háskóli Íslands.

Birtingarmyndir stöðu starfsmenntunar á framhaldsskólastigi á Íslandi: Aðsókn í nám, innihald námsbrauta og rökstuðningur fyrir námsvali.

Flest ungmenni á framhaldsskólastigi á Íslandi velja bóknám til stúdentsprófs fram yfir starfsmenntun og ójöfn staða bóknáms og starfsnáms er gjarnan sögð skýringin. Markmið rannsóknarinnar er að rannsaka birtingarmyndir stöðu starfsnáms á framhaldsskólastigi á Íslandi, sérstaklega í samanburði við bóknám, í gegnum val ungmenna á námi.

01/11/2022

Staða leiklistarkennarans í grunnskólum á Íslandi. Að þróa sameiginlega sýn og skilning á því hvað átt er við með gæðum í menntun kennara

Markmið rannsóknarinnar er tvíþætt. Annars vegar að skoða starfsþróun þeirra leiklistarkennara sem hafa útskrifast sem leiklistarkennarar frá HÍ og hins vegar að fá betri innsýn í leiklistarkennslu á vettvangi. Það er mikilvægt að skoða þetta tvennt saman með uppbyggingu kennaramenntunar í huga.

08/09/2025

Heildarsýn og umbætur í kennaramenntun: Framþróun fyrir íslenskt menntakerfi

Tilgangur rannsóknarverkefnisins er að kanna með heilstæðum hætti inntak grunnskólakennaranáms á Íslandi. Verkefnið veitir mikilvæga sýn á undirbúning kennara á landsvísu sem og mótar og prófar aðferðir í kennaramenntun sem tengja saman fræði og starf með árangursríkum hætti.

31/01/2024

31/12/2027

Ísabrot: Þverfagleg sjálfbærnimenntun í Listasafni Íslands

Í rannsókninni sem er unnin í samstarfi við Ásthildi B. Jónsdóttur er skoðað hvernig verkefnið Ísabrot í Listasafni Íslands aðstoðar listkennara við menntun til sjálfbærni. Áherslurnar byggja á 1) hvernig söfn undirbúa skóla fyrir heimsóknir á safn, 2) hvernig söfnin setja fram þverfaglegar listasmiðjur sem byggja á listrænni nálgun á jöklum, bráðnun þeirra og loftslagbreytingum. 3) hvernig söfnin fylgja verkefnum eftir.

01/01/2024

Migrant women and migration regimes as constitutive of gender-based violence: The case of Iceland

This study explores the shifting role of women in international migration, highlighting their increasing individual involvement and vulnerability in the labor market. It examines legal uncertainties, institutional racism, and migration policies, advocating for an intersectional approach to address gender, labor, and violence issues, with a focus on Iceland.

01/01/2024

31/12/2026

Fjöltyngdar nálganir í fjölbreyttum bekkjum

Markmið þessarar rannsóknar eru í fyrsta lagi að kanna fjöltyngdar nálganir sem íslenskir kennarar og kennarar af erlendum uppruna nota til að byggja á tungumálaforða fjöltyngdra nemenda og styðja þá í tungumálanámi, læsi og námi í mismunandi faggreinum. Í öðru lagi að skoða námsaðferðir fjöltyngdra nemenda, þar á meðal hvernig þeir nýta fyrri þekkingu sína og tungumálin til náms.

31/01/2023

31/12/2025

Bragðlaukaþjálfun

Matvendni hjá börnum, sérstaklega þeim sem glíma við taugaþroskaraskanir á borð við ADHD og raskanir á einhverfurófi, er nýtt og vaxandi rannsóknarefni sem krefst þverfaglegrar nálgunar. Bragðlaukaþjálfun er unnin upp úr hugðarefni Önnu Sigríðar Ólafsdóttur prófessors í næringarfræði og teymis hennar. Aðaláhersla í þessu verkefni er á fæðuval, matvendni og líðan, bæði hjá börnum og foreldrum

01/08/2018

Stilla – hæglátt leikskólastarf

Meginmarkmið verkefnisins er að þróa hæglátt leikskólastarf og dýpka þannig þekkingu og skilning okkar á upplifun barna á tíma í leikskólum. Stuðst verður við aðferðir starfendarannsókna og uppeldisfræðilegar skráningar til að skrá ferlið. Tilgangur þess er að auka þekkingu starfsfólks, foreldra og barna á námi barna og þeim tíma sem börn þurfa til að kanna heiminn og prófa hugmyndir sínar.

01/09/2022

31/08/2025

Undirbúningstímar í leikskólum: Með hag barna að leiðarljósi

Markmið rannsóknarinnar var að varpa ljósi á skipulag og framkvæmd undirbúningstíma leikskólakennara. Tilgangurinn var að skoða áhrif aukins undirbúningstíma á fagmennsku leikskólakennara og gæði leikskólastarfs.

01/01/2022

31/12/2024

Orðasafn yfir textíl og fatagerð

Markmiðið með rannsókninni er íslenskt orðasafn yfir textíl og fatagerð sem er yfirgripsmikið fræðasvið. Í orðasafninu er hvert orð þýtt yfir á ensku og hverju orði fylgja orðskýringar á íslensku, einnig fylgja teikningar og myndir. Með orðasafninu er sýnt fram á flókið ferli fatagerðar frá hugmynd að fullvinnslu.

31/01/2022

31/08/2026

Áhrif COVID-19 á menntakerfið

Vorið 2020 voru sendar út kannanir á skólastarfi, vinnuaðstæðum, námi og líðan á tímum aðgerða vegna COVID-19. Spurningalistar voru lagðir fyrir stjórnendur á öllum skólastigum og fyrir starfsfólk Háskóla Íslands.

01/03/2020

Skólaval til stúdentsprófs á Íslandi

Á síðustu áratugum hafa skólavalstefnur orðið fyrirferðamiklar þar sem árangur á afmörkuðu sviði ræður alfarið aðgengi nemenda að bóknámsbrautum í tilteknum skólum. Skoðað er hvernig frjálst „val“ nemenda, sem er eitt af lykilhugtökum ríkjandi menntastrauma, markast af námslegum, félagslegum og landfræðilegum þáttum og hvernig slíkt „val“ endurspeglar og á sinn þátt í að endurframleiða félagslegt stigveldi.

01/01/2017

31/12/2026

Nýliðar í grunnskólakennslu og kynjasjónarhorn

Tvær rannsóknir gerðar á árunum 2017–2023 til að kanna hvernig nýbrautskráðum kennurum vegnaði í starfi og hvort og hvers konar áhrif kyn hefði. Raðviðtöl við nýbrautskráða kennslukarla og nýbrautskráða kvenkyns kennara, tekin á tveggja ára tímabili við hvern kennara. Rannsóknin er hagnýt við stefnumótun við móttöku nýliða.

01/07/2017

30/06/2023