Doktorsverkefnið mun kanna fæðuóöryggi meðal tekjulágra fullorðinna, hópur sem lítið hefur verið rannsakaður á Íslandi, og meta áhrif sex vikna hagnýtrar fræðslu í matreiðslu og næringarfræðslu, Næra og Fræða.
Rannsóknin hefur tvö meginmarkmið: (1) að meta algengi og eðli fæðuóöryggis í þessum hópi og (2) að skoða hvernig Næra og Fræða hefur áhrif á fylgni við ráðleggingar á mataræði, útsjónarsemi við nýtingu matvæla og breytingar á tíðni fæðuóöryggis. Með blandaðri aðferðafræði fá þátttakendur í íhlutunarhópnum staðbundna kennslu í Kennslueldhúsi Háskóla Íslands, á meðan samanburðarhópurinn fær prentað fræðsluefni og íhlutun síðar. Samstarf við virkniúrræði og hjálparsamtök tryggir að viðeigandi ferli við öflun þátttakenda.
Forprófun með 12 þátttakendum fól í sér gagnlegra breytingar á fræðsluefninu. Spurningalistar verða lagðir fyrir í upphafi, ásamt 3 og 6 mánuðum eftir íhlutun með viðurkenndum listum, þar á meðal Household Food Insecurity Access Scale, Expanded Food and Nutrition Program Behavior Checklist og tíðnikönnun á mataræði. Verkefnið styður við íslenska matvælastefnu og heimsmarkmið Sameinuðu þjóðanna, með áherslu á fæðuöryggi, sjálfbærni og lýðheilsu.
Ritrýndar fræðigreinar verða birtar sem og kynningar á ráðstefnum, ásamt því að bæta hag tekjulágra hópa með viðeigandi fræðslu.
Doktorsverkefnið er styrkt af:
- Rannís
- Styrktar- og rannsóknarsjóður Þuríðar J. Kristjánsdóttur
- Lýðheilsusjóður
