Norrænt samstarfsnet um hæglæti í uppeldi og menntun
Verkefnið Reclaiming Slow Nordic ECEC network miðar að því að bregðast við auknu álagi og hraða í menntun og uppeldi og streitu kennara með því að efla hæglætismenntun og norræn gildi í leikskólastarf og í kennaramenntun. Markmið netsins er að stuðla að sjálfbærri, barnmiðaðri og ígrundandi starfsmenningu í leikskólum og í háskólum. Lögð verður áhersla á nýsköpun í kennaramenntun.
